Palell Myotnaal, Tatain khua taraw kya Vae Rhawkaw hae yn tee thung hae zah, Ccungccaw lu kheih kyng hae zah achia hae,

Wed, April 20, 2022

Palell Myotnaal, Tatain khua taraw kya Vae Rhawkaw hae yn tee thung hae zah, Ccungccaw lu kheih kyng hae zah achia hae, Mihpi hae inn sungccahkua tangning 92 inn hae balyn kha mae te ah U pya sia hae.

Sagaing, Palell Myotnaal, Tatain khua taraw kya, Vae Rhawkaw tauth hae nynh April ninhaw laetahria 19 nin, Ninthu Suimala ccakheth 1 lakaw kya khe, Khua Taraw kalan yn tee thung hae zah, Mihpi lukheit kha kyng hae zah, Phe achia hae, Mihpi hae ung naw inn hae balyn kha mae te ah U pya sia hae, Mihpi inn Sungccakuatangning 92 tuh, Mae nynh lung U cute, Khuataw hae kya te nyh kho athua.

 

Rhawkaw hae tuh khua taraw lungkhu lang kheh Latnettgyi hae te kaw bia te yn tee thung hae paw thua zah, Khua Taraw kya ung paw ccungccaw lukheit paw balyn a kyng hae zah, Achia hae cite, Thungpa thae lang a um.

 

Achia hae paw pisepaw tuh, A te khua paw mou, A min hung mou, cipaw hyn nyh kho thua lakhy.

Mihpi alung hua rakaw lang nynh raw ccue hae cite, Khuataw paw lukheit paw nynh a ho.

(GTF) Golden Triangle Force tauth hpwal hae nynh mah, Atuh e Rhawkaw hae nynh mihpi lukheit chia bia te mihpi ung naw inn mae te U pya hae paw hyn, Thathin paw nynh thua cite, အတည်ပြုထားသည်။

#allinone

#sagaing

#zotung_news

#zotung

#news