All In One
Fri, Aug 2022
Chin Pyinaal, Matupi Myot laaccia (Atee apou) hae kha ah liavae paw saw kya blyng, ထောက်ခံ ccaw accing a hoi paw miakaw hae nynh cciapa kho naw apya hae, Atuh tuh chii ze chii, hii ze hii te nynh ccia pakho kha Rhawkaw hae nynh kaw yn pya hae cite, khuaccaw nynh aho hae.
Paw keiccu mou atuh haw te Rhawkaw hae nynh kaw apya hae cite, khaccaw athua paw lukheit kha bya khia naw kae hoi zah, amaw nynh aho paw tuh, NUG kya te tho zah, atuh saw atha kou te Khua kya blyng khe Siainn mua hae khy lang siainn hungpya athua vae ngaw keiccuze, Myot lungkhu kya siainn akae hae paw Khua kya e imua hae nynh siainn pung pou kou hae, Siainn apou hae paw nynh mah Khua kalang siainn kae lang ae zae vae ngaw keiccu nynh siainn kya te apou hae. Kha e kha Rhawkaw hae nynh nyh hae zah, Siainn mua hae kha Khua kalang bua ki lang azae vae lei lang te laaccia ( cciapakhonaw ) kha thaw te araerin ku hae.
Lamaw khe, Khua kalang sa NUG nynh ahungpaw siainn tuh ccang 8 kia nynh um zah, atuh te tuh Hight School blyng kha aro maw ze yng hung vae ngaw hae cite, Khua kya e paw nynh aho.
Rhawkaw nynh laaccia (Cciapakhonaw) kha ccyh kae nung khy zah, nae cceih oh paw miakaw nynh siainn halang cite, Khaetan, Bawpan te accang paw ukccaw hae kha nae phuu bia oh zetuh kae kyng ngaw oh aci hae.
#allinone
#matupi
#zotung #news
#zotung_news
Comments
Post a Comment