Mobre kya Rhaw ccue hae ung naw beihinn lungkhu kheh, Rhawkaw hae nynh akaw paw Maethe leepaw ccah zah, lu 4 achii hae, lu 13 Vaemaw amawe hae.

ALL IN ONE

Fri, September 16, 2022

Shan-Kareni akyng kunaw, Mobre Myot, Poikon 2 Yekot, Bilu Chayng te anae naw Muedaw Beihinn alungkhu khe, September nin 16 ning, Awkhua kya kheh, Rhawkaw hae nynh akaw hae paw Maethe leepaw ccah zah, aphaw keiccu, Rhaw ccue mih lu 4 achii hae te lu 13 hae tuh, Vaemaw thaw te amawe hae cite, thungpa thae lang um.

Atuh Awkhua Suimalan cca 1 khoi te cca 2 lakaw kya Beihinn lungkhu khe, Maethe leepaw accah, Imua lu 2 te ccangccaw lu 2 achii hae, lu 13 Vaemaw amawe hae cite, Kareni Rhaw ccue ah do oih hae paw kya te thungpa thae yn ho pah.

Mobre Myot kya acyi ku paw nin 5 ning cia Rhawtuk naw atha kou te, Rhawkaw hae aki vae hae te, Ah nae naw khua taraw pe kalang khe maethe hae te akaw sia hae cite, nyh lang um.

September nin 8 te nin 12 kya cia lheh, Mobre Myot kya Rhawk hae te Karenni Tauth-Pwal Rhawtuk kunaw thaw te ahoi hae, Rhawkaw hae kalang te innzou blyng amang bia hae apia ze Maethe lee te akaw hae keiccuze kum 8 aci paw imua lukheit tuh tung zah, phe chii.

Mihpi abang hae tuh vaemaw mawe hae, Ung naw inn 100 lae inn hae zah phe roh.