ALL IN ONE MIZO
Mon, November 28, 2022
North Korea hruaitu Kim Jong-un chuan a ram tum ber chu khawvela nuclear force chak ber siam a nih thu a sawi a, hetih lai hian tun hnaia North Korea-in ballistic missile a kahchhuahna lian ber a tel ve, senior military officer-te a chawisang bawk.
He thu hi Kim Jong Un-a'n November 18-a North Korea-in Hwasong-17 intercontinental ballistic missile thar a kahchhuah dan a enkawl hnua puan a ni a, US nuclear vau chu nuclear ralthuam hmang chauha a chhanlet tur thu a sawi.
Nuclear force din chu hnam leh mipui zahawmna leh thuneihna rintlak taka humhalh a ni a, an thil tum ber chu tun kum zabi chhunga la awm ngai lo nuclear force siam a ni, tiin Kim Jong-un chuan sipai officer-te promotion ceremony-ah a sawi .
Kim Jong-un chuan Hwasong-17 missile chu khawvela strategic weapon chak ber a nih thu a sawi a, hei hian NKorea-in khawvela sipai chak ber siam tura a theihna leh tumruhna a lantir a ni, a ti.
North Korea scientist-te chuan ballistic missile-a nuclear warhead dah theihna technology siam chhuahna kawngah nasa takin hma an sawn a, Kim chuan an ram nuclear theihna chu chak taka an tihchangtlun zel a beisei thu a sawi bawk.
Comments
Post a Comment