Thailand Mae Sot khawpui laihawlah hian silai sei tak tak, sniper ralthuam telin Myanmar ramah thawn a ni ang. Kut tawi 59 man nia sawi a ni

Thailand Mae Sot khawpui laihawlah hian silai sei tak tak, sniper ralthuam telin Myanmar ramah thawn a ni ang. Kut tawi 59 man nia sawi a ni

ALL IN ONE MIZO

Mon, November 07, 2022

Thailand Mae Sot khawpui laihawl, Myanmar mi pakhat in luahah silai sei tak hmuh a ni. Thai news leh Mae Sot Myanmar news outlet-te aṭangin ralthuam 59 man a ni a, chemte pawh a tel.

Thai thuneitute chuan nimin chawhma dar 5:00 khan Bang Nai Phang, Intra Khili Road, Mae Sot-a in No. 11/84 an dap a, automatic gun 39, ralthuam tenau 20 leh a kaihhnawih thilte an man. A kaihhnawih mite chu man leh theih a ni.

"Hriamhrei te hi Myanmar rama thawn tur ralthuam a ni tih kan hria. Tualchhung atanga man a ni lo a, Bangkok atanga thupek direct-a siam a ni. Tun dinhmunah chuan Burma mi pakhat, in luah luahtu pawh man a ni tawh bawk. Kan en reng a ngai a ni," a ti Thailand lam aṭanga press release a chhuah chu," tiin Mae Sot-a Myanmar activist pakhat chuan a sawi.

October 22 khan Chief of Police of the Terrorist Army, Gen. Zin Min Chet chuan Thailand khawpui Bangkok-ah Thai Police General Khemmarin Hassir kaihhruai team chu a hmu a, ram pahnihte ramri-a mi pathumna dan loa luh chungchang an sawiho a ni . Firfiak sipaite propaganda media-te chuan Thailand ramri-a Myanmar mi inthupte laka thawhhona ṭha tak an neih theih dan tur an sawiho niin an tarlang.