China khawpui Beijing-ah damdawi in kangmei chhuak vangin mi 21 an thi
ALL IN ONE
Wed, April 19, 2023
China khawpui Beijing-a damdawi-in pakhat, eastern inpatient ward-ah kangmei a chhuak a, mi 21 an thi.
April 18, 2023 tualchhung hun anga zan dar 12:45 PM vel khan Beijing-a Beijing Changfeng Hospital-ah kangmei chhuak vangin mi 71 chu sawnchhuah an ni.
Beijing Daily chuan April 18 (6:00 p.m. local time) thleng khan damdawi in danga enkawl tura sawn an nih hnuah mi 21 an thi niin a tarlang.
Kangmei chhuak vanga hliam tuar zat leh an dinhmun hriat a la ni lo niin AFP chuan a tarlang.
Kangmei chhuahna hmun, Beijing Changfeng Hospital hi Beijing khawpui chhim lama awm a ni a, Tiananmen Square aṭanga minute 25 vel kalna a ni.
Chinese social media website Weibo hmangtu pakhat chuan, "A lungchhiatthlak hle. Ka in tukverh aṭangin damdawi in kang kang tih ka hmu thei. Hospital bang chunga air conditioner dah chungah mi tam tak an ding a, Tacho pawh a zuang thla hial a ni," a ti .
Damdawi in kang chhan hi chhui chian mek a ni a, damdawi in kang hi China ramah chuan a awm lo hle a, a chhan hi chhui chian mek a ni.
Source: Reutrs, AFP
Photo: AP
Comments
Post a Comment