Donald Trump hi Thawhlehni hian court-ah a inlan dawn a ni

Donald Trump hi Thawhlehni hian court-ah a inlan dawn a ni

ALL IN ONE

Mon, April 03, 2023

Donald Trump hi karleh hian court-ah a inlan dawn a, fingerprint lak a ni dawn a, US president hlui zingah kum 2016-a actress Stormi Daniels hnena hush-hush payment pek chungchangah criminal charges hmachhawn hmasa ber a ni.

Trump hi Thawhlehni hian Manhattan-ah judge hmaah a inlan dawn a ni. He thubuai ngaihtuah a nih chuan Republican Party aṭanga president nihna lak let leh a tum avangin United States-ah inṭhenna a thlen belh thei a ni.

New York judge chuan nimin khan Manhattan District Attorney Alvin Bragg-a thubuai siamsak hi phalna a pe a, mahse engtikah nge dan anga thubuai chiang tak chu vantlang hriata puan a nih dawn tih erawh a chiang lo.

Trump hian Thawhlehni hian Florida-a a Mar-a-Lago estate aṭangin New York-ah thlawhna hmanga kal a tum a, Thawhlehni hian court-ah a inlan hmain Trump Tower-ah zan riah a tum niin Reuters chuan he thil hrechiangtu pakhat a tarlang. Nakinah Florida-ah kir leh a tum thu a sawi bawk.

Trump ukil Susan Necheles chuan, "A thiam loh a chantir lo ang," tiin Reuters a hrilh. He thubuai hi Thawhṭanni thleng khan mipui hriatah puan a nih a beisei loh thu a sawi.

Trump chuan Friday khan fundraising email-ah, "Eng thil lo thleng tur hi ka hlau lo," tiin a ziak.

Trump hian nakkum inthlanpui neih turah Democratic President Joe Biden chu rematch-a hmachhawn turin Republican nomination a zawng mek a, hei hian kar hnih dawn lai campaign-naah hun a hmang a, dan lama harsatna hrang hrang a hmachhawn mekte tan sum a thawhkhawm a ni. Manhattan grand jury-in Trump-a thubuai siamsak a nih thu an hriat hnu darkar 24 chhungin dollar maktaduai 4 chuang a thawhkhawm niin a campaign chuan a tarlang.

Trump hi American president hmasa ber a ni bawk a, inthlannaah chak lohna a pawm duh loh avangin kum 2021 khan US Congress building luah turin mipui pawl a fuih a, thubuai siamsak a nih hnuah pawh Republican anga a inlan chhunzawm zel tur thu a signal a ni.

Friday khan President Joe Biden chuan a political rival thubuai siamsak a nih chungchangah thuthar thehdarhtute hnenah, "Trump-a thubuai siamsak a nih chungchangah engmah ka sawi dawn lo," a ti.

Thawhlehni khan thubuai siamsak chungchanga thuthang a darh hnuah Trump chuan "absolutely innocent" leh political oppression tuar a nih thu a sawi.

Trump-a ukil dang, Joseph Tacopina chuan Trump-a chu court-ah kutkawr bun a ngai dawn lo tih sawiin, bail tel lova chhuah a nih a rinawm thu a sawi.

Indictment-ah hian thubuai hrang hrang engzat nge telh tih erawh a chiang lo a, mahse CNN chuan Trump hian economic fraud nena inzawm thubuai 30 chuang leh felony pakhat tal a hmachhawn niin Associated Press chuan a tarlang.

Hearing eng pawh hi kum khat tal a awh a rinawm thu dan lama mithiamte chuan an sawi. Hei hian court hearing hi president thlan lai emaw, inthlan zawh hnuah emaw a awm thei tihna a ni.