Philippines, active tak tak, United States China inkara ram pathum inzawmna a ni

Philippines, active tak tak, United States China inkara ram pathum inzawmna a ni

ALL IN ONE

Mon, April 24, 2023

United States leh Philippines chuan April 21 khan US President Joe Biden leh Philippines President Ferdinand Marcos Jr. te chu May 1 hian White House-ah an inhmuh dawn tih an lo sawi tawh a ni.

Philippine President Rodrigo Duterte-a hunlai khan United States leh Philippines inlaichinna chu a vawt hle a, mahse tunah chuan Marcos-a president a nih tak avangin ṭangrual ram pahnihte inlaichinna chu a ṭha chho ta hle a ni.

 

Duterte hian vantlang hmaah US a sawisel a.

US leh China pahnih hi he biala strategic dominance neih tumin an inel a ni.

White House thupuangtu Karine Jean-Pierre chuan thuchhuah siamin, Biden leh Marcos-te hian economic leh defence lama thawhdunna chungchang an sawiho dawn tih a sawi.

White House chuan thuchhuah siamin, "A tlawh chhung hian President Biden hian Philippines ram venhimna kawnga US inpekna nghet tak chu a nemnghet leh dawn a ni," a ti.

Hemi hi kum khat pawh tling lo chhunga President Marcos-a'n United States a tlawh vawi hnihna tur a ni dawn a, a tlawh hun chhung hi April (30) atanga May (4) thleng a ni ang a, President Biden leh sorkar member pawimawh tak takte nen an inkawm dawn a ni , tiin Philippine Presidential Palace chuan April (22) khan a sawi.