Russia nuclear ralthuam hi NATO leh Belarus ramri bulah dah a ni

Russia nuclear ralthuam hi NATO leh Belarus ramri bulah dah a ni

ALL IN ONE

Mon, April 03, 2023

Russia chuan a strategic nuclear weapons chu Belarus chhim lam ramri-ah a sawn dawn tih Belarus-a Russia ambassador chuan a sawi.

Hei hian NATO nena an inkar boruak a tichhe zual mai thei a, hei hi NATO Eastern Europe ramri bula awm a nih avangin a ni, tiin Reuters chuan a tarlang.

Russia chuan a ṭangrual ram Belarus-ah nuclear ralthuam a vawng reng dawn tih President Putin chuan March 26 khan a sawi a, hei hi kum khat chuang kalta aṭanga Ukraine a beih hnua Russia-in nuclear signal langsar ber a ni.

Mr. Gazilak hian Nuclear ralthuam dahna tur hmun dik tak sawi lo mah se, President Putin-a’n July 1-a sak zawh a nih tur thu a sawi, nuclear ralthuam dahkhawmna hmun chu a hun takah sak zawh a nih tur thu leh Belarus chhim lam ramri-ah sawn a nih tur thu a nemnghet a ni.

Belarus hmar lama Lithuania leh Latvia ram te an ni. Chhim lamah Poland a awm a, heng ram zawng zawng hi NATO-in Europe hmar lam ramri ram a ni a, Russia-in Ukraine a beih aṭang khan NATO-in sipai a khawlkhawm ṭhin a ni.