Thailand rama Songkran/Water festival neihnaah lirthei chesualah mi 200 vel an thi
ALL IN ONE
Mon, April 17, 2023
Thailand rama Songkran/Water festival ni 5 chhung khan lirthei chesual vangin mi 177 an thi a, mi 1738 in hliam an tuar bawk. Ministry of Interior thuchhuah tarlangin Bangkok Post-ah tarlan a ni.
April 11 atanga 15 thleng khan ram pumah lirthei chesual 1,744 a awm a ni. Traffic accident tam ber (59) chu hmarchhak province Nan-ah a ni a, thi zat hi Bangkok-ah record a ni (15). April 15 Pathianni khan lirthei chesual 311 a awm a, mi 31 an thi a, mi 304 in hliam an tuar bawk.
Heng traffic accident-ah hian lirthei chetsualna zaa 35.37 chu speed limit bawhchhiat vang a ni. Zu rui chunga lirthei khalh vangin zaa 25.72 a awm a, motor chesualah zaa 78.93 a thleng bawk.
April 11 leh 15 inkar khan zu rui chunga lirthei khalh thubuai 5,869; Ruihhlo hmang mi 95 leh fimkhur lova lirthei khalh mi 23 an awm bawk.
Image: Thailand Chin Mai/IRW-a Songkran/Water Festival neih laiin tuiah mipui an inkhelh lai scene
Comments
Post a Comment