Thuneihna inchuhna kal mek Sudan-ah chuan coup army-te chuan an sipaite reserve force chu hel pawlah an puang a ni.

Thuneihna inchuhna kal mek Sudan-ah chuan coup army-te chuan an sipaite reserve force chu hel pawlah an puang a ni.

ALL IN ONE

Tue, April 18, 2023

Sipaiten thuneihna an channa Sudan ramah chuan an ram reserve force lian ber, militia-te awmna leh sipaite chu thuneihna inchuhnaah an awm mek a ni.

April 15, 2023 hnua sipai leh Rapid Support Forces (RSF) indona ni thumna April 17 khan an pahnih hian thuneihna an chang tawh tih an sawi.

Sudanese activist group, Central Committee of Sudanese Doctors data-in a tarlan danin, ram pahnihte inkara buaina chhuak vang hian civil mi 97 leh sipai 45 an thi tawh a, UN staff te pawh tel vein mi 942 an hliam bawk.

Thuneihna latu junta chuan thi zat list an tichhuak lo tih an sawi.

Sipaiten reserve force-te hmunpui chu boruak aṭangin an bei a, vawiin (April 18) thleng hian indona hi a la awm chhunzawm zel a ni.

Tuna Sudan-a hun rei tak dictator lo ni tawh, Omar al-Bashy-a bei mek sipai leh reservist-te hi kum 2019-a paihthlak a nih khan an thawkdun a, mahse tunah chuan thuneihna inchuhna avangin civil rorelna lama inthlakna chu a tikhawtlai lehzual.

Tuna indona hian Sudan ram pumah venhimna dinhmun nasa takin a tichhe thei a, economy chu a chhe tawh a, tribal tharum thawhna pawh a pung zel a ni.