Japan rama lirnghing na tak, mi pakhat tal thihna thlen hnua lirnghing hnuhnung ber 50 chuang a awm
ALL IN ONE
Mon, May 8, 2023
Japan ramah lirnghing nasa takin a nuai a, mi pakhat tal a thi a, May 6 khan lirnghing hnuhnung ber a thleng tih hriat a ni.
Japan khawpui laihawl Ishikawa area-ah May 5, 2023 khan magnitude 6.5-a nain in leh building a tichhia a, May 6 khan sorkar official-te chuan chhiatna hi an enfiah bawk.
May 6 zing khan aftershock vawi 50 chuang a awm a, a then chu a na hle niin Japan Meteorological Agency chuan a sawi.
Meteorological Department pawhin ruahsur nasa vangin lirnghingna hmunah hian leimin a thlen theih thu a lo vaukhân tawh bawk.
Japan Disaster Management Agency chuan May 5-a lirnghing vangin mi 29 velin hliam an tuar niin May 6 khan a tarlang.
Ishikawa Prefecture-a Suzu khawpuia sorkar official chuan AFP a hrilh danin, lirnghing vanga building chhia-a tang mi pahnih chu chhanchhuah an ni tawh a, mi 50 vel chu school leh city hall-a evacuation centre siamah sawnchhuah an ni tawh tih a sawi.
Japan ram hi Pacific Ring of Fire-ah a awm a, hetah hian lirnghing hi a thleng fo thin.
Japan hian building-te chu lirnghing laka a him theih nan construction code khauh tak a nei a, lirnghing lian tham thleng tur atana inbuatsaihna atan emergency drill a nei fo bawk.
Kum 2011 March thla khan Japan hmarchhak tuipui kamah 9.0 magnitude-a lirnghingin tsunami a thlen a, mi 18,500 vel an thi emaw, chin hriat loh emaw an awm bawk.
Thu lakna: AFP, CNA
Thlalak: Kyodo News, AFP atanga lak a ni
Comments
Post a Comment