MIZO TLANGVAL CHHUANAWM DAYNE THIAMSANGLIANA, NATIONAL DEFENCE ACADEMY ATANGA GRADUATE THAR KAN NEI E!

MIZO TLANGVAL CHHUANAWM DAYNE THIAMSANGLIANA, NATIONAL DEFENCE ACADEMY ATANGA GRADUATE THAR KAN NEI E!

Vawiin, 30 May 2023 hian National Defence Academy, Khadakwasla, Pune atangin 144th Course NDA te chuan Passing Out Parade neiin, India ram hmun hrang hrang atanga thalai rual chhuanawm tak tak, NDA a training leh graduation course hautak zet mai kum 3 chhung hlawhtling taka pal tlangte chuan Indian Armed Forces a Service hrang hrang, Indian Army, Indian Air Force leh Indian Navy te a Officer ni turin NDA atangin an pass chhuak a. An zingah hian Mizo tlangval chhuanawm tak mai, Dayne Thiamsangliana s/o Lalhmingsanga, Chanmari West, Aizawl a tel ve a ni.

Chanmari West tlangval Dayne Thiamsangliana hi a naupan lai atang renga mi taima, tumruh, thuawih leh lehkha thiam thei tak a ni a. Rashtriya Indian Military College (RIMC), Dehradun atangin Class XII tha taka a pass hnuah kum 2020 khan UPSC buatsaih NDA & NA Examination tha taka paltlangin NDA a zawm a. NDA a training leh graduation course a zir chhung hian Cadet tha leh chhuanawm ber pawl ni chho in, appointment, lawmman leh chawimawina hlu tak tak engemaw zat a dawng a. Chung zinga a langsar zual chu hengte hi an ni:-

1. Battalion Cadet Adjutant (hei hi an Batttallion bika a hotu ber dawttu a ni)

2. Lachit Borphukan Gold Medal for Best Cadet in Officer Like Quality

3. Second Best Army Cadet in Firing 

4. Winner of the Inter-Battalion Championship

5. Merit Card in Boxing and Basketball

India rama thalai rual tha ber ber fuankhawm zinga hetiang dinhmun han hauh thei Mizo tlangval kan nei hi a ropuiin a chhuanawm tak zet a. Mizote hian mi thlen phak ang kan thleng pha ve a, rual kan khum thei a ni tih a taka tilangtu Dayne a hian chawimawi a phu a. Mizo thalaite fuihtu, role model duhawm tak a tling a ni.

Dayne Thiamsangliana hian Indian Army a zawm dawn a. NDA atanga a chhuah hnu hian Indian Army a Commissioned Officer ni turte training na hmun pui ber, Indian Military Academy, Dehradun ah kum khat a training leh ang a. Chu mi zawhah chuan Indian Army ah Permanent Commissioned Officer a ni tawh dawn a ni.

Mizote min tihmingthatu Dayne hi kan chhuangin, a hlawhtlinnaah kan lawmpui tak zet a. A kal zelnaah hlawhtlinna sang zawk nei chho zel turin duhsakna kan hlan e.