RULLIANA' N GENEVA CONVENTION DAN A HRE LO.MYANMAR THLIPUI TUARTE AN RUM MEK.

RULLIANA' N GENEVA CONVENTION DAN A HRE LO.MYANMAR THLIPUI TUARTE AN RUM MEK.

(Military Council hruaitu Rulputara hian he dan hi a palzut zawk a ni em?.)

 Indona hmuna ralthuam hmanga inbeite inkara inhnam hnawih ve miah lo civil mi narante leh an mahni chhawmdawlna lama hmalatute, damdawi lam hmanga puibawm thin ( medical staff Relief workers )-te chu Geneva Convention chuan dan hmangin an himna hi a humhalh sak tlat a ni. 

Chu dan chuan civil mi naran pawh pelin indonaa hmelma sipai hliam tuarte , khawsik damlote , indonaa tlawm ta hmelma sipai an man khawmte ( POW) chunga rawng taka kut an thlak lohna tura Geneva Convention in mumal taka zawm tura , dan duansa a awm a ni.

 Chutiang dan tesep tam tak awm mahse tualchhunga hnam, chi leh kuang , sakhua inang lo te kara huatna thu thehdarh ching ,hem thlak thin Rul rilru ringawt pai tawh Burma sipai-te chuan chu dan chu zawm tum in hmalak tura inbuatsaih chu sawi loh , Geneva Convention dan hi enge a ni tih pawh hre lo khawpin an huihphai hlawm a ni.

Military Council sipai lal ten mipuite venhim nana ,mipui budget atanga an lei khawl ralthuam , mipuite lam hawia an nunna tih chimit sak zinga vansang lama thlawk thei hmanrua zingah Aircraft 300 a awm Global Fire power Table in a tar lang a ni.  

Chung zingah chuan Military council in Russia siam Mi-35, Mi-24V Helivopter leh bungrua leh mi phurh vel nana hman theih Helicopter lian chi Mi-17 pawh tam tak a la nei cheu bawk a ni.

Mi-35 (M-35) tia kan sawi fo Helicopter hi NATO ( North Atlantic Treaty Organization) chuan Hind tiin an ko a , " Mi "tia an koh chhan chu , a design-tu " Michael Leontov Mail " hming lam tawi a ni a, Puak rang Machine Gun a pai mai bakah laipui pawh a pai tel tho avangin Tank car thlawk thei a ni ringawt a lawm le. Vawi khat petrol a thun khah hi chuan mel 600 chuang chu zanthim karah pawh darkar 3 chhungin a thlawk thei a ni.

Russia ramin Myanmar Airforce thuam that kawngah a puih that em avangin khawvela Airforce 145 awm zingah a tha ber pawl 34-na zingah tel pha a , mipuite chu meialh enin an rethei mek laiin thawveng takin Helicopter 80 chuang leh Jet fighter 55 a neih vangin thluak thawl takin an la hawi cham thei a ni.

Chung Airforce lama a neih thlawhna leh Helicopter te chu ram dang nena indo huna hman tur a nih laiin a ram chhunga a mipuite ngei thah chihmit tumin a hmang a, mipui naran bakah chhawmdawlna lam thawktute leh damlo enkawltute ,zirlai naupang thlengin thliar chuang loin thlawhna hmangin bomb a thlak thin.

Civil lam Helicopter an neih chu a bei tham em mai a, kan sawi lo law law ang a, tun ang khuarel chhiat tawhna an tawh mek laiin thlipui vang ei leh in bakah chenna lama harsatna tawk mek tanpuina mut mawh hnarmawh neia chet a hun laiin ei tur thlak nan , a Helicopter neih te nen a uipui tuilian thlir mek hi a pawi a ni ti rawh, Ramlian.