SCHOOL-A INTHAH VAKNA RAPTHLAK ZUAL 10-TE
__________________________________________
A ruala mi thahnem tak thah an ni tih hriat hian a rapthlak hle a, chu aia la rapthlak zawk chu, naupang tam tak thah an ni tih hi a ni. Naupang thang lai sukthleng hi chik a ngai hle a, a enkawl dan thiam loh chuan thil tha lo tak a thleng chawk reng a ni. Thenkhatah chuan, Games rapthlak pui pui an khelh nasat lutuk atangtein mi thah chakna thinlung an nei thei thin a, Nu leh pa tan pawh fimkhur a tul khawp mai. Chutianga khawvel hmun hrang hranga inthahna rapthlak tak tak chanchin zinga record thenkhat chu chhiar ve leh ta ila.
(1). Cologne school massacre - June ni 11, 1964 khan, Kum 42-a upa Walter Seifert chu Katholische Volksschule-ah kalin, pawn lama hmeichhe school naupangho awmna lam chu a kap chiam a. Classroom tukverh hawngin room chhung lam pawh a kap leh vak bawk. 11 an thi a, an kang pheng pheng mai a, mi 22 laiin hliam an tuar a ni. A kahna chu silai a ni lo a, insecticide sprayer, flamethrower-a siam danglam a ni. A kap alh pur pur a ni ngei ang. Police-in an man a, an hren laiin, a ah ruk a ni ngei ang, Seifert chuan damdawi cyanide a ei a, a thi zui ve nghal a ni.
(2).The École Polytechnique Massacre - Hei hi Canada ram history-a school chhunga inkahna rapthlak bera ngaih a ni. December ni 6, 1989 khan, kum 25-a upa Marc Lepine chuan, University of Montreal-a, École Polytechnique-ah mi a kap chiam a. Hmeichhia 15 an thi a, mi 14 an hliam bawk. Chutia a kah hnu chuan, amah a inthat nghal a, lehkha a hnutchhiaha inziak chu, kha school-a Hmeichheho thuneihna kha a haw hle niin a lang.
(3). Columbine High School Massacre - April ni 20, 1999 khan, zirlai pahnih Eric Harris leh Dylan Klebold chuan, Littleton, Colorado-a Columbine High School zirlaite an kap vak mai a. Mi 15 lai kaphlumin 24 laiin hliam an tuar a. An duh ang tawka an kah hnuah, anmahni an intihlum ve leh ta a ni.
(4). University of Texas Clock Tower Shootings - August ni 1, 1966 khan, a nupui leh a nu a thah hnuah, Austin’s Tower-a University of Texas-ah observation deck a awm a, chuta atang chuan Charles Whitman chuan, minute 96 chhung vel mi a zuk kap a zuk kap a. Mi 18 a kap hlum a, 31 lai a kap hliam a ni. Mahse, a hnu deuhvah, police Charles Whitman chu an kaphlum ve ta a ni.
(5). Dunblane massacre - March ni 13, 1996 khan, Tun hmaa shopkeeper ni thin leh Scout leader ni bawk Thomas Hamilton chu, 9 mm pistols pahnih leh 357 Magnum revolvers pahnih kengin, Dunblane Primary School-ah a va lut a. Zirlai la naupang tak takte leh zirtirtu pakhat a kaphlum a. Thi zat chu an vaiin 18 an tling. Chu thilthleng avang chuan, UK-ah mimalina handguns kawl khap a ni ta hial a ni.
(6). Erfurt massacre - April ni 26, 2002 khan, school atanga zirlai pakhat hnawhchhuah tak Robert Steinhäuser khan, an school eastern German city-a awm Erfurt chu a kap vak a. Mi 17 lai an thi a, mi 7 a kap hliam bawk a ni. Chutia a kah lai chuan Hmaikawr vuahin thawmhnaw dum a inbel a ni.
(7). Ma’alot massacre - Israeli independence anniversary vawi 26-na thlen tum May ni 15, 1974 khan, Palestine mi Democratic Front member pakhat chuan, Ma’alot, Israel-ah mi a kap chiam a. Chutah chuan sakhaw zirlai 22 an thi a ni. Ma’alot zirna hmun chu, Western Galilee region-a plateau-a awm a ni a, chu chu Lebanese border atanga mel 6 vela hla a ni.
(8). Virginia Tech massacre - April ni 16, 2007 khan, Blacksburg, Virginia, United States-a Virginia Tech campus-ah vawih hnih ngawt misual beihna a thleng a. Chu thil titu chu Seung-Hui Cho a ni. Mi 32 a that a, mi tam tak an hliam bawk a, amah pawh a inthat zui ta a ni.
(9). Bath School disaster - United States-a thilthleng zinga rapthlak tak pakhat chu, school board member ni thin Andrew Kehoe chuan, Michigan-a Bath Township-a zirna hmunah bomb pathum lai an tipuak a. Mi 45 an thi a, 58 an hliam. Tichuan, Kehoe chuan a chuanna lirthei tipuakin, amah leh superintendent an thi ve leh nghal a ni.
(10). Beslan school hostage crisis - September ni 1, 2004 khan, pro-Chechen armed rebel-hovin, Beslan, North Ossetia-a awm School Number One (SNO)-a zirlai 1,200 leh puitling thenkhat an man a. A ni thumnaah, kidnap-tute leh Russian security forces-te an inkap vak a, an mi man tam tak an thih phah a. A lo berah mi 386 an thi a, mi 700 an hliam bawk a ni.
Addendum: Red Lake High School massacre an tih pawh kha! Khatah khan mi 10 an thi a, 12 an hliam. March ni 21, 2005 khan, Minnesota-a Red Lake Senior High School-ah, zirlai kum 16-a upa Jeff Weise chuan, a zirlaipuite, zirtirtu leh security guard-te a kap chiam a, an let rem rum mai a ni. Tin, a Pu leh a pu bialnu a kap bawk. Rapthlak thin khawp mai!
Comments
Post a Comment