SUDAN Inkahhai puan loh chuan inbiaknain awmzia a nei lo : Sudan Army commander
10th May 2023
Sudan rama Sudan Army leh paramailitary Rapid Support Force (RSF)-te thuneihna inchuha an inbeih mek karah, ram dangte hmalaknaa pawl pahnihten inbiakna neih chu inkahhai puan a nih loh chuan awmzia a awm lo, tiin Sudan army chief general Abdel Fattah al-Burhan chuan a sawi.
Sudan-a sipai pawl pahnihte hian kar liam ta Inrinni aṭang khan Jeddah, Saudi Arabia-ah inbiakna an nei a, mahse hma an la sawn thei lo. Pawl pahnihte hian a inbeih meknaah hnehtu zawk ni thei dawna an inngaih avangin inkahhai puan chungchang hi an ngaihtuah thei lo niin Saudi palai chuan a sawi.
Gen al-Burhan chuan an ram khawpui, Khartoum tih lohah chuan boruak pawh a ziawm chho tawh tih a sawi a, hetih lai hian an hmelma RSF member-te chu sipaite laka himna atan civil mite inphenna atan hmangah puhin, civil mite chenna inah leh service centre-ahte an tawm ṭhin a ni, a ti. Army lam chuan boruak ṭha a awm an duh a, mahse Khartoum-ah inkahhai puan a nih chauhin an sawiho thei ang tiin a sawi a ni.
Jeddah-a inbiakna an neih mek lai pawhin, Khartoum-ah Thawhṭanni pawh khan sipai pawl pahnihte hi an la inbei nasa hle.
-Esther pinky Fanai
Comments
Post a Comment