Sudan rama sipai leh security force-te inkara kar 15 chhung an inbeihnaah mi 500 chuang an thi tawh a, mi 40,000 chuangin hliam an tuar tawh bawk.

Sudan rama sipai leh security force-te inkara kar 15 chhung an inbeihnaah mi 500 chuang an thi tawh a, mi 40,000 chuangin hliam an tuar tawh bawk.

ALL IN ONE

Mon, May 1 , 2023

Sipaiten thuneihna an channa Sudan ramah chuan an ram reserve force lian ber, militia-te awmna leh sipaite inkara thuneihna inchuhnaah mi 500 chuang an thi tawh a, April 30 thleng ni 15 chhungin mi 500 chuang an thi tawh a ni a zual zel a ni.

April 28 khan sipai leh reserve force-te inkahhai chu darkar 72 chhung pawhsei tura puan a ni a, mahse beihpui thlak chhunzawm zel a ni a, Khartoum leh a chhehvela khawpui Bahri leh Ombdurman-ah te thlawhtheihna hmanga beih a ni. Tank leh artillery hmanga beih a awm nia sawi a ni.

April 15, 2023 aṭanga ṭan, Sudan-ah hian coup army leh Rapid Support Forces (RSF)-te inkara tharum thawhna thleng hian mi za tam tak an thi a, mi sang tam tak chu hmun dangah an insawn a, international-backed democratic election-a inthlakna pawh a titawp bawk.

United Nations chhinchhiah danin ni 15 chhung an inbeihnaah hian mi 512 an thi a, mi 4,200 velin hliam an tuar bawk.