May 18,2023
United Nations General Assembly chuan Myanmar sipai rorelna hnuaiah ralthuam eng chi pawh pek luh khapna dan a ngaihtuah dawn niin UN thuneitu pakhatin a sawi.
Leichtenstein ramin an put luh, European Union, Britain leh United States-ten an thlawp chu vawiin hian member zawng zawng kimna hun meeting-ah ngaihtuah a ni ang.
Lungrual taka pawm nghal mai a nih loh chuan member state 193 awmna General Assembly-ah hian vote hmanga chinfel a ni ang.
Dan an zam lailawkah hian indona ralthuamte leh sipaite kaihhnawih bungrua hrim hrimte chu direct emaw indirect a pekluh, zawrh emaw inhlanchhawn khap nghalna dan a ni.
He dan duan lailawk hi tun hnaiah hun eng emaw ti chhung chu sawi hlawh tak a ni tawh a, ram 48-in an thlawp tawh a. Thlawptu zingah hian Asia khawmualpui atangin South Korea chauh a tel.
Ralthuam hrekna bakah hian emergency an puan tawhte hlip nghal a, lungawi lohna lantirtute laka tharum thawhna tihtawp; delhkilhna awm lova President Win Myint leh State Counsellor Aung San Suu Kyi-i te chhuah zalen nghalna tur leh February 1 hnu lama an mi man leh hren zawng zawngte chhuah zalen nghal tura hriattirna a tel.
Asian chhim lam ram 10 intelkhawm – Association of Southeast Asian Nations (ASEAN)-in April 24-a thurel panga an lo siam tawhte bawhzui nghal tura hriattirna a tel bawk ang.
Khawvel ram hrang hranga NGO-ten Myanmar rama ralthuam pek luh hi tihtawp a nih theihna turin ngenna hrang hrang an lo tichhuak thin tawh.
Credit:The Zozam Times
Comments
Post a Comment