US chuan Taiwan hnena ralthuam hralhna dollar tluklehdingawn 1.1 a pawm
ALL IN ONE
Tue, May 9, 2023
Beijing nena buaina awm mek karah US chuan Taiwan hnena ralthuam hralhna dollar tluklehdingawn 1.1 chu a pawm a, China chuan phuba lak a tum thu a lo vaukhân tawh bawk.
US ralthuam hralhna hi US House Speaker Nancy Pelosi-i'n Taiwan a tlawh hnu thla khat hnuah a ni a, China-in tharum thawhna a lantir vanga buaina chhuak a ni.
President Joe Biden-a kaihhruaina hnuaia ralthuam hralhna program lian ber hian Raytheon radar system, a sir lehlamah beih a nih tur thu hriattir thei tur enkawlna tur dollar maktaduai 665 a huam a ni. Taiwan hian kum 2013 atang khan heng system te hi a hmang tan a ni.
Taiwan-in a leiah hian Harpoon Block II anti-ship missile 60 a tel a, dollar maktaduai 355-in a lei a ni. Hei bakah hian Taiwan hian khawthlang sipaiten an hman reng ṭhin air-to-air Sidewinder missile 100 chu dollar maktaduai 85.6-in a order bawk.
He ralthuam hralhna hi Taiwan sipaite'n an airspace-a lut, commercial drone an kah thlak nia an sawi aṭanga ni khat hnua puan a ni.
Beijing chuan Taiwan chu an ram chhunga laksak theih loh a nih thu a sawi a, China chuan ralthuam zawrh chu a rang thei ang bera chhuahtir turin a ngen bawk. Hei bakah hian Beijing chuan a tul anga hmalak an tum thu a sawi bawk.
Comments
Post a Comment