THENZAWL CHAWMTU ELECTRIC TRANSFORMER KANG

THENZAWL CHAWMTU ELECTRIC TRANSFORMER KANG

    --Liantluanga Renthlei, Editor, Vantawng Newspaper, Thenzawl

      Thenzawl khawpui chawmtu P&E Department transformer 2.5 MVA chu tukin zing dar 3:30 vel khan nasa takin a kang a. Serchhip Fire Department staff te rang taka thleng thlain, zing dar 5:00 vel khan an ṭhelhmit hman.

       Electric Transformer kang hriat anih ve leh P&E Serchhip Division Sr. EE Er. Laldawngliana leh SDO Er. C. Zairemmawia ten Thenzawl an ṭhutchilh nghal a, khawtlang hruaitu Thenzawl Jt. VC te nen hmalak dan tur an sawiho nghal.

 

       Sr. EE Er. Laldawngliana chuan chhiattawh thu hi hotu liante ah thlen nghal anih thu sawiin, Transformer kang chhia thlakna Champhai a Transformer, Thenzawl a phurh turin lak dan ngaihtuah mek anih thu sawiin, transformer thlak anih a, Thenzawl in eng an neih leh hun tur sawi lawk mai a harsat thu sawiin, chak taka hma an lak tur thu a sawi.

 

   

   Transformer kang vang hian alo berah tunkar chhung chu he transformer in a chawm Thenzawl leh Buangpui leh Neihloh khua ten power supply an neih theih hmel loh niin a lang.

 

 

    Tukin zinga kang Thenzawla transformer 2.5MVA hi thla kalta June ni 9, 2023 a Thenzawl a transformer awmsa 1.6 MVA thlak nana bun thar niin, thla khat pawh hman anih hmain vanduaithlak takin a kang palh ta a ni. A kan chhan hi hriat mai theih a ni rih lo.