Sat, March 27, 2022
Tuinpi Ram lang sa, Tipaw myot, Namyaung aoth suh kaung han khua, taraw kya a ung paw pise paw lukheit tuh, Mine ah sy sei keiccu phe chii, ah ccia ccaw hae paw a innbyng hae tuh ae lan nia lan kae vaw phe saw cite, Thungpa thae lang a um.
Mine Sy Sei Zah, A chi Paw
March 27 nin, Awkhua sa 6 lakaw kya, Kaung Han khua te, Sai Bah Shwe te a cceih kheit hae paw lu 2 tuh, Kaung Han khua te a to lang sa khet, Mae thin lo ah aw mang ccia ning kya, Sai Bah Shwe tuh, Mine sy sei zah phe chii, a ci hae.
Sai bah shwe tu kung 40 nynh ci um. Innbyn hanlan a lu pi thua zah, Ah ccia cccaw hae paw ah zu te, ccah paw lukheih, ccah nung lukheih hae tuh, Innbyn hanlan kae vaw myaria saw vae cite,Thungpa thae lang um.
Tipaw khua kya tuh, RCSS/SSA te Khua Ran lan Maharmate hae ry te ah kaw ku hae naw athua kiaccuze, Lae kaw Mine hae nynh a lung hua ah va ma hae. Rhaw ah dou ku kou hae te aki vae hae ze, Laekaw Mine kha phe a cciataw hae kia tu, Mitpi hae tuh ram kaw lan yn tho ku vae hae ze, ah tu haw te ah sy sei tha hae.
Comments
Post a Comment