-Inkhawmna tur nei lo Kohhran chu!
-Restaurant-ah te an inkhawm thin...
May 12, 2023: China rama Guangzhou Bible Reformed Church (Guangzhou, Guangdong Province) a mi chu May 7 zing khan China Police ten a rualin an Kohhran inkhawmna hmun 5 a mi chu a rualin an dap thut a. Kohhran Upa, thuhriltu leh hna thawktute chu Police ten an hruai bo. Police te hian Pastor Huang Xiaoning-a chu man an tum a, mahse pastor hian dan bawhchhiat a neih loh thu leh an man theih loh thu a hrilh a, an man thei lo.
Police te hian Bible Reformed Church Kohhran te hi May 7 Pathianni an inkhawm lai chu kawngkharte tichhiain tihluihnaain an luchilh a, Pastor hian hetih lai hian thu a sawi mek. Inkhawm titawp turin an vau zui.
Pastor Huang Xiaoning-a chuan huaisen takin Pathian an biakna tura man chawia luah an nih thu te, an inkhawmnaah luh luih theihna leh an neih loh thu leh Police te chuan dan an bawhchhiat thu a lo hrilh piap piap mai. Police Officer chuan chulai hmun endik theihna an neih thu a hrilh ve thung a. Pastor erawh chuan Constitution Articles 37 & 38 behchhanin tihluinaa mi ina luhluih chu dan kalh a ni tih a hrilh let ve thung.
Kohhran member te chuan Police chet dan chu video in an la a, Police te chuan khap an tum a, mahse an thei lo. Pastor chuan Constitution Article 36 na in mi tupawh an duh ang sakhua zui thei tura zalenna a pek thu Police te hi a hrilh a, tih vak ngaihna an hre bik lo. Kohhran mi an man te pawh ni rei vak lovah an chhuah leh bawk.
REFORMED CHURCH TEN BIAK IN AN NEI LO:
Guangzhou Bible Reformed Church te hian China sorkar hriatpui kohhran- China’s Three-Self Church an zawm ve duh lo va. Kum 2018 khan China sorkar chuan an kohhran hi dan pawnah a lo hnawl tawh a. An Biak In pawh tihchhiatsak an ni.
Biak In nei tawh lo mah se Pathian Biak an thulh duh chuang lo! Kartin an inkhawmna an thlak thin a, restaurant remchangah an inkhawm mai thin! Tuna an inkhawmna, Pathianni bik atan chauha man chawia an luah hawh lah chu Police ten an hriat tak avangin an in luahna neitu chuan luahzui zel remti tawh lo bawk.
Tawngtaipui ngai Kohhran-
Bible Reformed Church te hian tihduhdahna leh harsatnan an tawk nasa hle. Hetih rual hian an Kohhran member hian pun lam an pan zel thung. An Kohhran hun tawn mek thim tak avang hian tawngtaipui an ngaih thu thuchhuah siamin an tarlang.
Hun harsa tak tawk mek - Bible Reformed Church te tan i tawngtai ang u.
..........................................................
C. Lalnuntlinga, Editor, Christian Outlook
Source: China Aid
...........................................................
Christian News/Sermon/Article/Testimony tarlanna 'Christian Outlook' Group zawm duh tan a hnuaia Link te hi click tur a ni
Youtube Channel
https://www.youtube.com/channel/UC-1MbpQy7P-AbY_R9vzE2OQ
Whatsapp Group:
https://chat.whatsapp.com/LktolUqcEo1IjTpfCmsGQz
Facebook Group:
https://www.facebook.com/groups/christianoutlook
Comments
Post a Comment